ഓണം സ്പെഷ്യൽ ഡ്രൈവ്; കോടാലിക്കടുത്ത് വനമേഖലയിൽ നിന്ന് എക്സൈസ് സംഘം വൻ വാഷ് ശേഖരം പിടിച്ചെടുത്തു…
ഇരിങ്ങാലക്കുട: ഓണം സ്പെഷ്യൽ ഡ്രൈവിനോട് അനുബന്ധിച്ച് ഇരിങ്ങാലക്കുട റേഞ്ച് എക്സൈസ് സംഘം മറ്റത്തൂർ വില്ലേജിലെ കോടാലി -പുത്തനോളി കരിക്കുഴി വനമേഖലയിൽ നിന്നും ചാരായം വാറ്റാനായി പാകപ്പെടുത്തി സൂക്ഷിച്ചിരുന്ന 500 ലിറ്റർ വാഷ് പിടിച്ചെടുത്തു.വനത്തിലെ പാറയിടുക്കുകകളിൽ ടാങ്കുകളിൽ ഒളിപ്പിച്ച നിലയിൽ ആയിരുന്നു വാഷ്. പ്രതികളെകുറിച്ച് അന്വേഷണം നടത്തി വരുന്നു. റെയ്ഡിന് റേഞ്ച് എക്സൈസ് ഇൻസ്‌പെക്ടർ കെ. എ. അനീഷ് നേത്യത്വം നൽകി. അസിസ്റ്റന്റ് എക്സൈസ് ഇൻസ്‌പെക്ടർ. എം. ജി അനൂപ്കുമാർ, പ്രിവന്റീവ്‌ ഓഫീസർമാരായ. കെ. എസ് ഷിബു, പോളി കെ. ടി, സിവിൽ എക്സൈസ് ഓഫീസർമാരായ പി. കെ ഉണ്ണികൃഷ്ണൻ, ജീവേഷ് എം. ബി, വിബിൻ. കെ. എസ്,എക്സൈസ് ഡ്രൈവർ പി. എം. മുഹമ്മദ്‌ ഷാൻ എന്നിവർ റെയ്‌ഡിൽ പങ്കെടുത്തു.
