ഓണം സ്പെഷ്യൽ ഡ്രൈവ്; പത്ത് കുപ്പി മദ്യവുമായി കൊടകര സ്വദേശി അറസ്റ്റിൽ…
ഇരിങ്ങാലക്കുട:ഓണം സ്പെഷ്യൽ ഡ്രൈവിനോട് അനുബന്ധിച്ച് ഇരിങ്ങാലക്കുട എക്സൈസ് റെയ്ഞ്ച് നടത്തിയ പ്രത്യേക പരിശോധനയിൽ മദ്യവിൽപന നടത്തിയ കുറ്റത്തിന് കൊടകര വല്ലപ്പാടി സ്വദേശി ചെതലൻ വീട്ടിൽ പൈലി മകൻ ബാബു (50 ) എന്നയാളെ പത്ത് കുപ്പി മദ്യവുമായി പിടികൂടി. ഫോൺ വഴി ഓർഡർ എടുത്താണ് ഇയാൾ മദ്യ വിൽപ്പന നടത്തിയിരുന്നത്.
കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു. എക്സൈസ് ഇൻസ്പെക്ടർ അനീഷ് കെ.എ, പ്രിവന്റീവ് ഓഫീസർ പോളി കെ.ടി, സിവിൽ എക്സൈസ് ഓഫീസർമാരായ ജീവേഷ് എം.പി, വിപിൻ കെ.എസ്, രാകേഷ് ടി.ആർ, രാജേന്ദ്രൻ സി.വി, ശ്യാമലത കെ.എസ്, എക്സൈസ് ഡ്രൈവർ മുഹമ്മദ് ഷാൻ എന്നിവർ അന്വേഷണ സംഘത്തിൽ ഉണ്ടായിരുന്നു.
Please follow and like us:
