എസ്എന്‍ബിഎസ് സമാജം തെരഞ്ഞെടുപ്പിൽ ഔദ്യോഗിക പാനലിന് വിജയം..
ഇരിങ്ങാലക്കുട: എസ്എന്‍ബിഎസ് സമാജത്തില്‍ ഭരണസമിതിയിലേക്ക് നടന്ന വാശിയേറിയ തെരഞ്ഞെടുപ്പില്‍ സമാജം ഔദ്യോഗിക പാനലില്‍ മത്സരിച്ച മുഴുവന്‍ സ്ഥാനാര്‍ഥികളും വിജയിച്ചു. കിഷോര്‍കുമാര്‍ നടുവളപ്പില്‍, ജിനേഷ് തൃത്താണി, ദിനേശ്കുമാര്‍ എളന്തോളി, പവനന്‍ എലിഞ്ഞിക്കോടന്‍, പ്രസൂണ്‍ പ്രവി ചെറാക്കുളം, ബിജോയ് മുക്കുളം, രജിത് രാജന്‍, രാജേഷ് കോട്ടപ്പുറം, രാമാനന്ദന്‍ ചെറാക്കുളം, ഷിജിന്‍ തവരങ്ങാട്ടില്‍, സോമസുന്ദരന്‍ കൊളത്തുപറമ്പില്‍ എന്നിവര്‍ ജനറല്‍ വിഭാഗത്തില്‍ നിന്നും പ്രാദേശിക വിഭാഗത്തില്‍ പുല്ലൂര്‍ വിഭാഗത്തില്‍ നിന്ന് കുമാരന്‍ പൊതുമ്പുചിറക്കല്‍, ടൗണ്‍ വിഭാഗത്തില്‍ നിന്ന് വേണു തോട്ടുങ്ങല്‍, കോമ്പാറ വിഭാഗത്തില്‍ നിന്ന് ബോസ് തണ്ടാശേരി, തുറവന്‍കാട് വിഭാഗത്തില്‍ നിന്ന് വാസന്‍ കരിപറമ്പില്‍ എന്നിവരാണ് തെരഞ്ഞെടുക്കപ്പെട്ടത്. സമാജത്തില്‍ നടന്ന 94-ാമത് വാര്‍ഷികപൊതുയോഗത്തില്‍ സമാജം പ്രസിഡന്റ് വിശ്വംഭരന്‍ മുക്കുളം അധ്യക്ഷത വഹിച്ചു. സെക്രട്ടറി രാമാനന്ദന്‍ ചെറാക്കുളം കണക്കും പ്രവര്‍ത്തനറിപ്പോര്‍ട്ടും അവതരിപ്പിച്ചു. ഓഡിറ്റര്‍ കെ.കെ. ചന്ദ്രന്‍ ഓഡിറ്റ് റിപ്പോര്‍ട്ട് അവതരിപ്പിച്ചു. വൈസ് പ്രസിഡന്റ് പ്രവികുമാര്‍ ചെറാക്കുളം നന്ദി പറഞ്ഞു.
