നിയന്ത്രണം വിട്ട പിക്കപ്പ് വാന്‍ ഓട്ടോയിലിടിച്ച് ഗുരുതരമായി പരിക്കേറ്റ് ചികിൽസയിലായിരുന്ന മാപ്രാണം സ്വദേശിയായ ഓട്ടോ ഡ്രൈവര്‍ മരിച്ചു.
ഇരിങ്ങാലക്കുട: പിക്കപ്പ് വാന്‍ ഓട്ടോയിലിടിച്ച് പരിക്കേറ്റ് ചികില്‍സയിലായിരുന്ന ഓട്ടോ ഡ്രൈവര്‍ മരിച്ചു. മാപ്രാണം എരങ്ങത്തുപറമ്പില്‍ ജോണ്‍സന്‍(57) ആണ് മരിച്ചത്. ചൊവ്വാഴ്ച വൈകീട്ട് 5.15 ഓടെയാണ് അപകടം നടന്നത്. മാപ്രാണം കുരിശു ജംഗ്ഷന് സമീപമുള്ള ഓട്ടോ സ്റ്റാന്റില്‍ ഓട്ടോക്കുള്ളിലിരിക്കുമ്പോള്‍ നിയന്ത്രണം വിട്ട പിക്കപ്പ് വാന്‍ വന്നിടിക്കുകയായിരുന്നു. അപകടം സംഭവിച്ചയുടനെ മാപ്രാണം ലാല്‍ ആശുപത്രിയിലും തുടര്‍ന്ന് തൃശ്ശൂർ ജൂബിലി മിഷന്‍ ആശുപത്രിയിലും പ്രവേശിപ്പിച്ചു. ഇന്ന് ഉച്ചക്ക് രണ്ട് മണിയോടെയാണ് മരണം സംഭവിച്ചത്. സംസ്‌കാരം ശനിയാഴ്ച്ച ഉച്ചത്തിരിഞ്ഞ് മണിക്ക് മാപ്രാണം ഹോളി ക്രോസ് ദേവാലയത്തില്‍ നടക്കും. ഭാര്യ- ഉഷ. മക്കള്‍ ക്രിസ്റ്റി, ജിയോ.
