ഇഡിയെ ഉപയോഗിച്ച് രാഹുൽ ഗാന്ധിയെ വേട്ടയാടുന്ന കേന്ദ്ര സർക്കാറിനെതിരെ പ്രതിഷേധവുമായി കോൺഗ്രസ്സ് പ്രവർത്തകർ…
ഇരിങ്ങാലക്കുട: ഇ ഡി യെ ഉപയോഗിച്ച് രാഹുൽ ഗാന്ധിയെ വേട്ടയാടുന്ന കേന്ദ്ര സർക്കാറിനെ പ്രതിഷേധവുമായി കോൺഗ്രസ്സ് പ്രവർത്തകർ. ബി എസ് എൻ എൽ ഓഫീസിലേക്ക് നടത്തിയ പ്രതിഷേധ മാർച്ച് മുൻ കെ.പി.സി.സി. ജനറൽ സെക്രട്ടറി എം. പി. ജാക്സൺ ഉദ്ഘാടനം ചെയ്തു.ബ്ലോക്ക് കോൺഗ്രസ്സ് പ്രസിഡണ്ട് ടി വി ചാർലി അധ്യക്ഷത വഹിച്ചു. ഡി സി സി സെക്രട്ടറി സോമൻ ചിറ്റേത്ത് മുഖ്യ പ്രഭാഷണം നടത്തി. ബ്ലോക്ക് സെക്രട്ടറിമാരായ എം. ആർ ഷാജു സ്വാഗതവും വിജയൻ ഇളയേടത്ത് നന്ദിയും പറഞ്ഞു. ബ്ലോക്ക് ഭാരവാഹികളായ , വി സി വർഗീസ്,കെ സി ജെയിംസ്, എ കെ ചന്ദ്രൻ, എ സി ജോൺസൻ, മണ്ഡലം പ്രസിഡണ്ടുമാരായ ജോസഫ് ചാക്കോ, ബൈജു കുറ്റിക്കാടൻ, കെ വി രാജു, ബാബു തോമസ്, തോമസ് തൊകലത്ത് തുടങ്ങിയവർ നേതൃത്വം നൽകി.
Please follow and like us:
