കരുവന്നൂരിൽ സ്വകാര്യ ബസ്സിടിച്ച് സെൻ്റ് ജോസഫ്സ് കോളേജ് വിദ്യാർഥിനി മരിച്ച സംഭവത്തിൽ ഡ്രൈവർ അറസ്റ്റിൽ..
തൃശ്ശൂർ:കരുവന്നൂർ ചെറിയ പാലത്തിനു സമീപം ബസ് സ്കൂട്ടറിൽ ഇടിച്ച് വിദ്യാർത്ഥിനി മരിച്ച സംഭവത്തിലെ ബസ് ഡ്രൈവറെ അറസ്റ്റ് ചെയ്തു.
മരത്താക്കര കീറ്റിക്കൽ വീട്ടിൽ റിതേഷിനെയാണ് ചേർപ്പ് പോലീസ് അറസ്റ്റ് ചെയ്തത്.
ഈ മാസം 21ന് രാവിലെ ആയിരുന്നു അപകടം. ഇരിങ്ങാലക്കുട സെൻ്റ് ജോസഫ്സ് കോളേജിലെ അവസാനവർഷ ബികോം വിദ്യാർഥിനിയായ വല്ലച്ചിറ ഇളംകുന്ന് കുറുവീട്ടിൽ
ലയ ഡേവീഡ് (22)ആണ് മരിച്ചത്.
ഇരിങ്ങാലക്കുടയിലെ കോളേജിലേക്ക് പോകുന്ന വഴി
തൃശ്ശൂർ ഭാഗത്തുനിന്ന് വന്നിരുന്ന ബസ് ഇവർ സഞ്ചരിച്ചിരുന്ന സ്കൂട്ടറിന്റെ പിറകിൽ ഇടിക്കുകയായിരുന്നു.ഇടിയുടെ ആഘാതത്തിൽ വിദ്യാർഥിനി ബസിന് അടിയിലേക്ക് വീഴുകയായിരുന്നു. അശ്രദ്ധയോടെ വാഹനമോടിച്ച് അപകടം ഉണ്ടാക്കി എന്നതാണ് ഡ്രൈവറുടെ പേരിൽ എടുത്ത കേസ് .
