താമരത്തിളക്കത്തിന് ഇരിങ്ങാലക്കുട നഗരത്തിൽ വാദ്യമേളങ്ങളോടെ വിജയാഹ്ലാദം…
ഇരിങ്ങാലക്കുട: നാല് സംസ്ഥാനങ്ങളിലെ തെരെഞ്ഞെടുപ്പ് വിജയത്തിൽ ബിജെപി ഇരിങ്ങാലക്കുട മണ്ഡലം കമ്മറ്റിയുടെ നേതൃത്വത്തിൽ നഗരത്തിൽ വാദ്യഘോഷങ്ങളോടെ ആഹ്ലാദപ്രകടനം .ബി ജെ പി മണ്ഡലം ഓഫീസിന് മുൻപിൽ നിന്നാരംഭിച്ച പ്രകടനം ഠാണ വന്ന് തിരിച്ച് ബസ്റ്റാന്റിൽ സമാപിച്ചു. പടക്കം പൊട്ടിച്ചും മധുരപലഹാരങ്ങൾ വിതരണം ചെയ്തും പ്രവർത്തകർ വിജയം ആഘോഷമാക്കി.മണ്ഡലം പ്രസിഡണ്ട് കൃപേഷ് ചെമ്മണ്ട, ജില്ല വൈസ് പ്രസിഡണ്ട് കവിത ബിജു, മണ്ഡലം ജന: സെക്രട്ടറിമാരായ ഷൈജു കുറ്റിക്കാട്ട്,രതീഷ് കുറുമാത്ത്,സംസ്ഥാന സമിതിയംഗം സന്തോഷ് ചെറാക്കുളം, നേതാക്കളായ അമ്പിളി ജയൻ, രാമചന്ദ്രൻ കോവിൽപറമ്പിൽ, രാഗി മാരാത്ത്, രമേഷ് അയ്യർ, രഞ്ചിത്ത് എൻ മേനോൻ, ടി കെ ഷാജു,സന്തോഷ് ബോബൻ, ടി ഡി സത്യദേവ്, ഷിയാസ്,എ വി സുരേഷ്, സിന്ധു സതീഷ്, വിൻസെന്റ് കണ്ടംകുളത്തി, ബൈജു കൃഷ്ണദാസ് എന്നിവർ നേതൃത്വം നൽകി.
