60 മത് ശ്രീ കണ്ടംകുളത്തി സൗത്ത് ഇന്ത്യൻ ഫുട്ബോൾ ട്രോഫി കേരളവർമ്മക്ക്…
ഇരിങ്ങാലക്കുട:ക്രൈസ്റ്റ് കോളേജ് ഫുട്ബോൾ ഗ്രൗണ്ടിൽ അരങ്ങേറിയ 60 മത് കണ്ടംകുളത്തി സ്മാരക സൗത്ത് ഇന്ത്യൻ ഫുട്ബോൾ ടൂർണ്ണമെൻ്റിൽ തൃശ്ശൂർ കേരളവർമ്മ കോളേജിൽ ജേതാക്കളായി. ഒന്നിനെതിരെ അഞ്ച് ഗോളുകൾക്ക് പഴഞ്ഞി എംഡി കോളേജിനെ തകർത്താണ് ജയം. ടൂർണമെൻ്റിൻ്റെ മികച്ച താരമായി കേരളവർമ കോളേജിന്റെ മിഥിലാജിനെ തിരഞ്ഞെടുത്തു.കേരള വർമ്മയുടെ തന്നെ സന്തോഷ്‌ കളിയിലെ താരമായി. എം ഡി കോളേജിന്റെ മുർഷിത് മികച്ച ഫോർവേഡായി. വിജയികൾക്ക് മുഖ്യാതിഥി തൃശൂർ ജില്ലാ ഡെപ്യൂട്ടി കളക്ടർ ഐ ജി മധുസൂദനനും കോളേജ് പ്രിസിപ്പൽ ഫാ ഡോ ജോളി ആൻഡ്രൂസും ചേർന്ന് സമ്മാനദാനം നിർവഹിച്ചു. വിജയികൾക്കുള്ള ക്യാഷ് അവാർഡ് സ്പോൺസർമാരായ കണ്ടംകുളത്തി കുടുംബ പ്രതിനിധി പയസ് കണ്ടംകുളത്തി, തൊഴുത്തും പറമ്പിൽ കുടുംബ അംഗം അഡ്വ ടി ജെ തോമസ് എന്നിവർ ചേർന്നു നൽകി. കോളേജ് കായിക വിഭാഗം മേധാവി ഡോ ബിന്റു ടി കല്യാൺ സ്വാഗതവും വൈസ് പ്രിസിപ്പൽ ഫാ ജോയ് പീനിക്കാപറമ്പിൽ നന്ദിയും പറഞ്ഞു.
