കണ്ടംകുളത്തി ഫുട്ബോൾ ടൂർണ്ണമെൻ്റ്; പഴഞ്ഞി എംഡിയും തൃശ്ശൂർ സെൻ്റ് തോമസും കേരളവർമ്മയും ആതിഥേരായ ക്രൈസ്റ്റും സെമിയിൽ..
ഇരിങ്ങാലക്കുട: ക്രൈസ്റ്റ് കോളേജിൽ നടക്കുന്ന കണ്ടംകുളത്തി സ്മാരക സൗത്ത് ഇന്ത്യൻ ഫുട്ബോൾ ടൂർണ്ണമെൻ്റിൻ്റെ സെമിയിലേക്ക് പഴഞ്ഞി എംഡി കോളേജും തൃശൂർ സെൻ്റ് തോമസും ആതിഥേയരായ ക്രൈസ്റ്റും തൃശൂർ കേരളവർമ്മയും പ്രവേശിച്ചു. ഇന്ന് നടന്ന ക്വാർട്ടർ ഫൈനൽ മൽസരങ്ങളിൽ എംഡി കോളേജ് 2 -1 എന്ന സ്കോറിന് വടക്കാഞ്ചേരി വ്യാസയെയും സെൻ്റ് തോമസ് എതിരില്ലാത്ത ഒരു ഗോളിന് മാംഗ്ളൂർ യനപോയ സർവകലാശാലയെയും ക്രൈസ്റ്റ് എതിരില്ലാത്ത ഒരു ഗോളിന് കോഴിക്കോട് ദേവഗിരിയെയും കേരളവർമ്മ ഷൂട്ട് ഔട്ടിൽ കൊല്ലം എസ്എൻ കോളേജിനെയും തോല്പിച്ചു. നാളെ രാവിലെ 8 ന് നടക്കുന്ന ആദ്യ സെമിയിൽ സെൻ്റ് തോമസും കേരളവർമ്മയും 2 ന് നടക്കുന്ന രണ്ടാമത്തെ സെമിയിൽ ക്രൈസ്റ്റ് കോളേജും പഴഞ്ഞി എംഡി യും എറ്റുമുട്ടും. തുടർന്ന് ക്രൈസ്റ്റ് കോളേജിലെ ഫുട്ബോൾ താരങ്ങളുടെ അലുമിനി മീറ്റും ക്രൈസ്റ്റ് കോളേജിലെയും ചങ്ങനാശ്ശേരി എസ് ബി കോളേജിലെയും പഴയ താരങ്ങൾ തമ്മിലുള്ള പ്രദർശന മൽസരവും നടക്കും.
