കാറളം വെട്ടിയാട്ടിൽ ക്ഷേത്രം റോഡ് നിർമ്മാണം പൂർത്തിയായി; പൂർത്തീകരിച്ചത് എംഎൽഎ യുടെ ആസ്തി വികസന ഫണ്ടിൽ നിന്നുള്ള 12 ലക്ഷം രൂപ ഉപയോഗിച്ച്..
ഇരിങ്ങാലക്കുട : കാറളം ഗ്രാമ പഞ്ചായത്തില്‍ നിര്‍മ്മാണം പൂര്‍ത്തിയാക്കിയ വെട്ടിയാട്ടില്‍ ക്ഷേത്രം റോഡിന്റെ ഉദ്ഘാടനം ഉന്നത വിദ്യാഭ്യാസ സാമൂഹ്യ നീതി വകുപ്പ് മന്ത്രി ഡോ.ആര്‍. ബിന്ദു നിര്‍വഹിച്ചു. മുന്‍ എംഎല്‍എ പ്രൊഫ കെ യു അരുണന്‍ മാസ്റ്ററുടെ ആസ്തി വികസന ഫണ്ടില്‍ നിന്നും അനുവദിച്ച 12 ലക്ഷം രൂപയുപയോഗിച്ചാണ് റോഡ് നിര്‍മ്മാണം പൂര്‍ത്തിയാക്കിയത്. റോഡ് പരിസരത്ത് വച്ച് നടന്ന ഉദ്ഘാടന ചടങ്ങില്‍ ഗ്രാമ പഞ്ചായത്ത് പ്രസിഡന്റ് സീമ പ്രേംരാജ് അദ്ധ്യക്ഷത വഹിച്ചു. മുന്‍ എംഎല്‍എ പ്രൊഫ കെ യു അരുണന്‍ മുഖ്യാതിഥിയായി. ക്ഷേമ കാര്യ സ്റ്റാന്‍ഡിംങ്ങ് കമ്മിറ്റി ചെയര്‍പേഴ്‌സണ്‍ രജനി നന്ദകുമാര്‍, മെമ്പര്‍മാരായ സുനില്‍ മാലാന്ത്ര, വൃന്ദ അജിത്ത്കുമാര്‍, ബീന സുബ്രഹ്‌മണ്യന്‍, ബിന്ദു പ്രദീപ്, സുരേന്ദ്രലാല്‍, കാറളം സര്‍വ്വീസ് സഹകരണ ബാങ്ക് പ്രസിഡന്റ് കെ എസ് ബാബു, ബ്ലോക്ക് പഞ്ചായത്ത് മെമ്പര്‍ കെ എസ് രമേശ് എന്നിവര്‍ പങ്കെടുത്തു.
