വാറണ്ട് പ്രതികൾ ഇരിങ്ങാലക്കുട പോലീസിൻ്റെ പിടിയിൽ…
ഇരിങ്ങാലക്കുട: മധ്യമേഖല ഡി.ഐ.ജി യുടെ പ്രത്യേക നിർദ്ദേശപ്രകാരമുള്ള പരിശോധനയുടെ ഭാഗമായി നടത്തിയ തിരച്ചിലിൽ രണ്ട് വാറണ്ട് പ്രതികൾ അറസ്റ്റിലായി.
കൊലപാതകം, മോഷണം ഉൾപ്പെടെ നിരവധി കേസ്സുകളിലെ പ്രതി കല്ലേറ്ററുംകര പഞ്ഞപ്പിള്ളി സ്വദേശി കണ്ണോളി വീട്ടിൽ കിഷോർ (38 വയസ്സ്),അടിപിടി കേസ്സിൽ മുങ്ങി നടന്നിരുന്ന വേഴക്കാട്ടുകര ചുങ്കത്ത് വീട്ടിൽ അജിത്ത് (26 വയസ്സ് ) എന്നിവരെയാണ് ഇരിങ്ങാലക്കുട ഡി.വൈ.എസ്.പി. ബാബു. കെ.തോമസ് പിടികൂടിയത്.രണ്ടായിത്തി പതിമൂന്നിൽ നടന്ന ഒരു വാഹന മോഷണ കേസിലാണ് കിഷോർ അറസ്റ്റിലായത്. വേഴക്കാട്ടുകര സ്വദേശിനിയെ അടിച്ചു പരുക്കേൽപ്പിച്ച കേസ്സിലാണ് അജിത്ത് അറസ്റ്റിലായത്. ഇരുവരേയും റിമാന്റ് ചെയ്തു. ഇരിങ്ങാലക്കുട ഡി.വൈ.എസ്.പി. ക്രൈം സ്ക്വാഡ് അംഗങ്ങളായ എ.എസ്.ഐ. മുഹമ്മദ് അഷറഫ്, സിദ്ധാർത്ഥൻ, സീനിയർ സി.പി. ഒ മാരായ ഇ.എസ്. ജീവൻ, പി.വി. വികാസ്, കെ.എസ്. ഉമേഷ്, സോണി സേവ്യർ, ഷനിൽ എന്നിവരാണ് പോലീസ് സംഘത്തിൽ ഉണ്ടായിരുന്നത്.
