വയോധികക്ക് നേരെ ആക്രമണം ; പ്രതി പിടിയിൽ
ചാലക്കുടി: എൺപതുകാരിയെ ആക്രമിച്ച കേസിലെ പ്രതി മാമ്പ്ര സ്വദേശി ചങ്കരംകുന്നിൽ വീട്ടിൽ ജോഷി ( 60 ) എന്നയാളെ കൊരട്ടി സിഐ ബി.കെ. അരുൺ അറസ്റ്റു ചെയ്തു.
കഴിഞ്ഞ ശനിയാഴ്ച രാത്രി 9 മണിക്കാണ് കേസിനാസ്പദമായ സംഭവമുണ്ടായത്. പരാതി ലഭിച്ചതിനെ തുടർന്ന് നടത്തിയ അന്വേഷണത്തിലാണ് പ്രതി പിടിയിലായത് . മാസങ്ങൾക്ക് മുമ്പ് ഒറ്റക്കു താമസിക്കുന്ന വയോധികയെ ആക്രമിക്കാൻ പ്രതി ശ്രമിച്ചിരുന്നുവെന്നും ഇക്കഴിഞ്ഞ ദിവസം പ്രതി വയോധികയുടെ വീടിന്റെ വാതിൽ തകർത്ത് വീടിനകത്തു കയറിയതായും വയോധിക പോലീസിനോട് മൊഴി പറഞ്ഞിരുന്നു.
ചാലക്കുടി ഡിവൈഎസ്പി സി. ആർ സന്തോഷിന്റെ നിർദ്ദേശപ്രകാരം രൂപീകരിച്ച
അന്വേഷണ സംഘത്തിൽ എസ്ഐ മാരായ ഷാജു എടത്താടൻ, അരവിന്ദാക്ഷൻ, സ്പെഷൽ ബ്രാഞ്ച് എഎസ്ഐ മുരുകേഷ് കടവത്ത് , എഎസ്ഐ സെബി എം വി, സീനിയർ സി പി ഒ മാരായ രഞ്ചിത്ത് വി. ആർ , സജീഷ് കുമാർ, ജിബിൻ വർഗ്ഗീസ് എന്നിവരാണ് ഉണ്ടായിരുന്നത്.
