സരിത സുരേഷ് മുരിയാട് ഗ്രാമപഞ്ചായത്ത് വൈസ് പ്രസിഡൻറ്
ഇരിങ്ങാലക്കുട: മുരിയാട് പഞ്ചായത്ത് വൈസ് – പ്രസിഡണ്ടായി എഴാം വാർഡ് മെമ്പറും സിപിഐ അംഗവുമായ സരിത സുരേഷിനെ തിരഞ്ഞെടുത്തു. വൈസ് – പ്രസിഡണ്ട് ആയിരുന്ന ഷീല ജയരാജ് വാഹനാപകടത്തിൽ മരണമടഞ്ഞതിനെ തുടർന്നാണ് തിരഞ്ഞെടുപ്പ് വേണ്ടി വന്നത്. തെരഞ്ഞെടുപ്പിൽ എൽഡിഎഫ് ന് 9 വോട്ടും യുഡിഎഫ് ന് 6 വോട്ടും ലഭിച്ചു. പുതിയതായി തിരഞ്ഞെടുക്കപ്പെട്ട വൈസ് -പ്രസിഡൻറ് സരിത സുരേഷിന് പ്രസിഡണ്ട് ജോസ് ചിറ്റലപ്പിള്ളി സത്യവാചകം ചൊല്ലിക്കൊടുത്തു. ജോസി മാത്യു വരണാധികാരിയായിരുന്നു. തുടർന്ന് നടന്ന അനുമോദന സമ്മേളനത്തിൽ പഞ്ചായത്ത് പ്രസിഡണ്ട് ജോസ് ചിറ്റിലപ്പിള്ളി, ലതാ ചന്ദ്രൻ , തോമസ് തൊകലത്ത്, പി ആർ സുന്ദരൻ, കെ സി ഗംഗാധരൻ മാസ്റ്റർ, വൃന്ദ കുമാരി കെ, കെ പി പ്രശാന്ത് തുടങ്ങിയവർ സംസാരിച്ചു.
Please follow and like us:
