ഇരിങ്ങാലക്കുടയിൽ യുവാക്കൾ മരിച്ച സംഭവം; ഉന്നതതല അന്വേഷണം ആവശ്യപ്പെട്ട് എക്സൈസ് ഓഫീസിന് മുന്നിൽ ബിജെപി ധർണ്ണ..
ഇരിങ്ങാലക്കുട: വ്യാജമദ്യം കഴിച്ച് യുവാക്കൾ മരിച്ച സംഭവത്തിൽ ഉന്നതതല അന്വേഷണം ആവശ്യപ്പെട്ട് എക്സൈസ് റേഞ്ച് ഓഫീസിന് മുന്നിൽ ബിജെപി ധർണ്ണ.എക്സൈസ് ഓഫീസിനോട് ചേർന്നുള്ള കടയിൽ വച്ചാണ് സംഭവം നടന്നിട്ടുള്ളതെന്നും പട്ടണം വ്യാജമദ്യത്തിൻ്റെയും മയക്കുമരുന്നിൻ്റെയും കേന്ദ്രമായി മാറിയിരിക്കുകയാണെന്നും ബിജെപി കുറ്റപ്പെടുത്തി. നിയോജകമണ്ഡലം സെക്രട്ടറി ഷൈജു കുറ്റിക്കാട്ട് ഉദ്ഘാടനം ചെയ്തു. മുനിസിപ്പൽ കമ്മിറ്റി പ്രസിഡണ്ട് സന്തോഷ് ബോബൻ അധ്യക്ഷനായിരുന്നു. നിയോജകമണ്ഡലം പ്രസിഡണ്ട് കൃപേഷ് ചെമ്മണ്ട, ആളൂർ മണ്ഡലം പ്രസിഡണ്ട് സുബീഷ്, അഖിലാഷ് വിശ്വനാഥൻ, നഗരസഭ കൗൺസിലർമാർ തുടങ്ങിയവർ പങ്കെടുത്തു. സന്തോഷ് കാര്യാടൻ സ്വാഗതവും സത്യദേവ് നന്ദിയും പറഞ്ഞു.
Please follow and like us:
