പൊതുപ്രവർത്തനരംഗത്തെ സൗമ്യ സാന്നിധ്യത്തിന് കണ്ണീരിൽ കുതിർന്ന യാത്രാമൊഴി..
ഇരിങ്ങാലക്കുട :പൊതുപ്രവർത്തനത്തിലെ സൗമ്യ സാന്നിധ്യത്തിന് നിറക്കണ്ണീരോടെ വിട.വാഹനാപകടത്തിൽ അന്തരിച്ച മുരിയാട് ഗ്രാമപഞ്ചായത് വൈസ് പ്രസിഡന്റ്‌ ഷീല ജയരാജിന് പഞ്ചായത്തിലും വീട്ടിലുമായി വൻജനാവലിയാണ് ആദരാഞ്ജലികൾ അർപ്പിച്ചത്. രാവിലെ തൃശൂർ മെഡിക്കൽ കോളേജ് ആശുപത്രിയിൽ പോസ്റ്റമോർട്ടത്തിന് ശേഷം മൃതദേഹം ബന്ധുക്കളും പാർട്ടിനേതാക്കളും ഏറ്റുവാങ്ങി. പാർട്ടി സംസ്ഥാന എക്‌സി. അംഗം കെ പി. രാജേന്ദ്രൻ, ജില്ലാ എക്‌സി. അംഗം ടി കെ. സുധീഷ്, മണ്ഡലം സെക്രട്ടറി പി. മണി, അസി. സെക്രട്ടറി എൻ. കെ ഉദയപ്രകാശ്, എന്നിവർ ചേർന്ന് മൃതദേഹത്തിൽ രക്തപതാക പുതപ്പിച്ചു. പ്രത്യേകം തയാറാക്കിയ വാഹനത്തിൽ എത്തിയ മൃതദേഹം 12.30 ഓടെ മുരിയാട് ഗ്രാമപഞ്ചായത്ത് ഓഫീസിൽ എത്തിയപ്പോഴേക്കും റോഡിൻ്റെ ഇരുവശങ്ങളിലുമായി ഒട്ടേറെപ്പേർ എത്തിയിരുന്നു.പൊതുദർശനത്തിന് വെച്ചപ്പോൾ ഉന്നത വിദ്യാഭ്യാസ വകുപ്പ് മന്ത്രി ഡോ ആർ. ബിന്ദു ,ബ്ലോക്ക്‌ പഞ്ചായത്ത് പ്രസിഡണ്ട് ലളിത ബാലൻ, ഗ്രാമ പഞ്ചായത്ത് പ്രസിഡന്റ്‌ ജോസ് ചിറ്റിലപ്പിള്ളി , ബ്ലോക്ക്‌ പഞ്ചായത്ത് വൈസ് പ്രസിഡന്റ്‌ മോഹനൻ വലിയാട്ടിൽ,ഗ്രാമ പഞ്ചായത്ത് അംഗങ്ങൾ എന്നിവർ അന്തിമോപചാരം അർപ്പിച്ചു. പുല്ലൂർ സർവീസ് സഹകരണ ബാങ്കിന് മുന്നിൽ ഭരണ സമിതി അംഗങ്ങൾ,ജീവനക്കാർ, സഹകാരികൾ പൊതുജനങ്ങൾ എന്നിവർ ആദരാഞ്ജലികൾ അർപ്പിച്ചു.തുടർന്ന്
വസതിയിൽ എത്തിച്ച മൃതദേഹത്തിന് വൻ ജനാവലി ഉപചാരമർപ്പിച്ചു സി പി ഐ ദേശീയ കൗൺസിൽ അംഗം സി. എൻ ജയദേവൻ ,ജില്ലാ. സെക്രട്ടറി കെ. കെ വത്സരാജ്,മുൻ മന്ത്രി വി. എസ് സുനിൽ കുമാർ, കെ.ശ്രീകുമാർ, കെ ജി ശിവാനന്ദൻ, വി എസ് പ്രിൻസ് ,എം എൽ എ മാരായ ഇ.ടി ടൈസൺ മാസ്റ്റർ, വി ആർ സുനിൽ കുമാർ, മുൻ എം എൽ എ ഗീത ഗോപി, കെ. യു. അരുണൻ, സ്വർണ്ണ ലത ടീച്ചർ, ഷീന പറയങ്ങാട്ടിൽ, കെ. എസ് ജയ, ഷീല അജയഘോഷ്, വി കെ സരിത, അനിത രാധാകൃഷ്ണൻ, ശോഭന മനോജ്‌
സി പി എം നേതാക്കളായ എം. എം വർഗീസ്, ഉല്ലാസ് കളക്കാട്ട്,കെ ആർ വിജയ, ടി ജി ശങ്കരനാരായണൻ,ലതചന്ദ്രൻ എന്നിവർ അന്തിമോപചാരം അർപ്പിച്ചു.
ഇന്നലെ രാവിലെ 11 മണിയോടെ ആനന്ദപുരത്ത് വച്ച് ഉണ്ടായ വാഹനാപകടത്തിലാണ് പഞ്ചായത്ത് വൈസ് – പ്രസിഡണ്ട് ഷീല ജയരാജൻ മരണമടഞ്ഞത്.
