പട്ടേപ്പാടത്ത് വീടിന് പുറകിലെ തോട്ടിൽ വീണ് കാണാതായ മൂന്ന് വയസ്സുകാരൻ്റെ മൃതദേഹം കണ്ടെത്തി..
ഇരിങ്ങാലക്കുട: വേളൂക്കര പഞ്ചായത്തിലെ പട്ടേപ്പാടത്ത് തോട്ടില്‍ ഒഴുക്കില്‍പ്പെട്ട് കാണാതായ മൂന്നു വയസ്സുള്ള കുട്ടിയുടെ മൃതദേഹം കണ്ടെത്തി.ആനയ്ക്കല്‍ അമ്പലത്തിന് സമീപം ബ്ലോക്ക് താണിയത്ത്കുന്ന് റോഡില്‍ തോടിന് കുറുകെ സ്ഥാപിച്ചിരുന്ന ചീപ്പിലാണ് കുട്ടിയുടെ മൃതദേഹം തടഞ്ഞിരുന്നത്.നാട്ടുകാരുടെയും ഫയര്‍ഫോഴ്‌സ്,പോലീസ്,സിവില്‍ ഡിഫന്‍സ് അംഗങ്ങള്‍ എന്നിവരുടെ നേതൃത്വത്തില്‍ രാവിലെ 11 മണിയോടെ ആരംഭിച്ച തിരച്ചിലിനൊടുവിൽ വൈകീട്ട് 5.45 ഓടെയാണ് കുട്ടിയുടെ മൃതദേഹം കണ്ടെത്തിയത്.പട്ടേപ്പാടം എസ്എന്‍ഡിപി ബ്ലോക്ക് ജംഗ്ഷന്‍ റോഡില്‍ ആനയ്ക്കതോട്ടിന് സമീപം താമസിക്കുന്ന അലങ്കാരത്ത്പറമ്പില്‍ ബെന്‍സിലിന്റെയും ബെന്‍സിയുടെയും മകന്‍ ആരോം ഹെവന്‍ ആണ് ഞായറാഴച രാവിലെ ഒഴുക്കില്‍പെട്ടത്.കഴിഞ്ഞ ദിവസം പെയ്ത കനത്ത മഴയില്‍ തോട്ടില്‍ ശക്തമായ കുത്തൊഴുക്കുണ്ടായതിനാല്‍ കുട്ടിയെ രക്ഷിക്കാനായില്ല.മൃതദേഹം ഇരിങ്ങാലക്കുട ജനറല്‍ ആശുപത്രിയിലേയ്ക്ക് മാറ്റി.ബെന്‍സിലിന്റെയും ബെന്‍സിയുടെയും ഏക മകന്‍ ആണ് ആരോം ഹെവന്‍
