ഇരിങ്ങാലക്കുട മണ്ഡലത്തിൽ 102 പേർക്ക് കൂടി കോവിഡ്;നഗരസഭയിൽ 22 ഉം പടിയൂരിൽ 29 ഉം പേർ പട്ടികയിൽ; മുരിയാട് പഞ്ചായത്തിൽ ഒരു കോവിഡ് മരണവും.
തൃശൂർ: ഇരിങ്ങാലക്കുട മണ്ഡലത്തിൽ 102 പേർക്ക് കൂടി കോവിഡ്. നഗരസഭയിൽ 22 പേർക്ക് കൂടി ഇന്ന് രോഗം സ്ഥിരീകരിച്ചു.307 പേരാണ് നിലവിൽ നഗരസഭയിൽ കോവിഡ് ചികിൽസയിലുള്ളത്. പൂമംഗലത്ത് 13ഉം കാറളത്ത് 3 ഉം കാട്ടൂരിൽ 2 ഉം വേളൂക്കരയിൽ 16 ഉം ആളൂരിൽ 10 ഉം പടിയൂരിൽ 29 ഉം മുരിയാട് പഞ്ചായത്തിൽ 7 പേർക്കുമാണ് ഇന്ന് കോവിഡ് സ്ഥിരീകരിച്ചത്.
മുരിയാട് പഞ്ചായത്തിൽ ഒരു കോവിഡ് മരണവും റിപ്പോർട്ട് ചെയ്തിട്ടുണ്ട്. തുറവൻകാട് കാരേക്കാട്ട് വീട്ടിൽ നാരായണൻനായർ ഭാര്യ ജാനകിയമ്മ (93) ആണ് മരിച്ചത്. താലൂക്ക് ആശുപത്രിയിൽ ചികിൽസയിലായിരുന്നു. രാജലക്ഷ്മി മകളും പരേതനായ പ്രഭാകരൻ മരുമകനുമാണ്.
Please follow and like us:
