2021 ലെ തൃപ്പേക്കുളം പുരസ്ക്കാരം തിമില പ്രമാണി ചോറ്റാനിക്കര വിജയൻമാരാർക്ക് സമർപ്പിച്ചു.
ഇരിങ്ങാലക്കുട: പല്ലാവൂർ സമിതിയുടെ 2021 ലെ തൃപ്പേക്കുളം പുരസ്ക്കാരം തിമില പ്രമാണി ചോറ്റാനിക്കര വിജയൻ മാരാർക്ക് പത്മശ്രീ പെരുവനം കുട്ടൻമാരാർ സമർപ്പിച്ചു.30,000 രൂപയും ഫലകവും പ്രശസ്തിപത്രവും പൊന്നാടയും അടങ്ങുന്നതാണ് അവാർഡ്. ശ്രീകൂടൽമാണിക്യം ക്ഷേത്രം കിഴക്കേനടപ്പുരയിൽ നടന്ന ചടങ്ങ് കലാമണ്ഡലം വൈസ്‌ – ചാൻസലർ ടി കെ നാരായണൻ ഉദ്ഘാടനം ചെയ്തു. ദേവസ്വം ചെയർമാൻ യു പ്രദീപ് മേനോൻ അധ്യക്ഷനായിരുന്നു. ശ്രീവൽസൻ തീയ്യാടി അനുസ്മരണ പ്രഭാഷണം നടത്തി.ത്യപ്പേക്കുളം ജന്മശതാബ്ദി ദീപ പ്രോജ്ജ്വലനം ക്ഷേത്രം തന്ത്രി എൻ പി പരമേശ്വരൻ നമ്പൂതിരിപ്പാട് നിർവഹിച്ചു. കോരമ്പത്ത് ഗോപിനാഥൻ, എം രവികുമാർ, ഉണ്ണികൃഷ്ണൻ, രാജേന്ദ്രൻ ആറാട്ടുപുഴ എന്നിവർ സംസാരിച്ചു. സമിതി പ്രസിഡണ്ട് കലാമണ്ഡലം ശിവദാസ് സ്വാഗതവും സന്ദീപ് മാരാർ നന്ദിയും പറഞ്ഞു.
