ഇരിങ്ങാലക്കുട കാരുകുളങ്ങരയിൽ കാറും ബൈക്കും കൂട്ടിയിടിച്ച് വെള്ളാനി സ്വദേശിയായ യുവാവ് മരിച്ചു.
ഇരിങ്ങാലക്കുട: കാരുകുളങ്ങരയിൽ കാറും ബൈക്കും കൂട്ടിയിടിച്ച് ബൈക്ക് ഓടിച്ചിരുന്ന യുവാവ് മരിച്ചു. കാറളം വെള്ളാനി കോരംകണ്ടത്ത് വീട്ടിൽ വിശ്വനാഥൻ മകൻ സന്ദീപ് (33) ആണ് മരിച്ചത്. ഇന്നലെ രാത്രി ഒൻപത് മണിയോടെ ആയിരുന്നു അപകടം. ഗുരുതരമായി പരിക്കേറ്റ സന്ദീപിനെ സഹകരണ ആശുപത്രിയിൽ എത്തിച്ചെങ്കിലും പത്തരയോടെ മരണമടഞ്ഞു. രാത്രി ഇരിങ്ങാലക്കുടയിൽ നിന്ന് സന്ദീപ് വീട്ടിലേക്ക് ബൈക്കിൽ മടങ്ങുന്നതിടയിലാണ് അപകടം സംഭവിച്ചത്. ഇലക്ട്രീഷ്യനായി കിഴുത്താണിയിലെ സ്ഥാപനത്തിൽ പ്രവർത്തിച്ച് വരികയായിരുന്നു ഗീതയാണ് അമ്മ. സൗമ്യ സഹോദരിയാണ്.
Please follow and like us:
